Alto Paraná-pe oñemombarete tratamiento oñembohovái hag̃ua obesidad

Agencia IP.- Tesãi ha Teko Porãve Motenondeha (MSPBS) omoĩve mbohapy consultorio pyahu oñemonguera haguã obesidad, umi tasyo kuéra rupi Presidente Franco, Hernandarias ha Ciudad del Este-pe, tetãvore Alto Paraná.

Nda’areiete oñemoĩ akue mbohapy consultorio oñemonguera haguã obesidad. Peteĩ oĩva tasyo Presidente Franco-pe, ambue katu oĩ Hernandarias-pe oñangarekóvo población adulta rehe, ha tasyo Ciudad del Este-gua oñangareko hína infantojuvenil rehe.

Oñeipytyvõta umi paciente kuéra tratamiento integral rupive. Médico, nutricionista ha psicólogo kuéra oñangarekota hikuái, ha he’ita chupekuéra mba’e ikatu ojapo ohupyty haguã ipeso ideal, ikatúva ha’e ejercicio ha okaru porãve haguã.

Ko’ã consultorio kuéra irembipota ha’e oipytyvõ umi orekóva obesidad, he’iháicha Estrategia Nacional para la Prevención y el Control de la Obesidad 2015-2025 ha Resolución Ministerial S.G N° 081/2023, ohasapyréva umi norma organización obesidad ñembohovái rehegua.

Avei, oñembo’eta umi establecimiento kuérape, he’iháicha red integrada ha integral servicio de salud rehegua, oipotáva ojekuaa voi ojeguerekó ramo obesidad, oñeme’ẽ haguã tratamiento integral ha multidisciplinario umi orekóva ko patología.

Obesidad ha’e peteĩ mba’asy crónico ha complejo, umi tejido adiposo oñembyatýva organismo-pe ojapo vai ñande tesãipe guarã. Ha’e avei factor de riesgo ambue mba’asy ndojetransmitíva, ikatúva ha’e diabetes, paro cardíaco, ACV ha cáncer.