Umi mamógrafo pyahu rupi kuñanguéra ojejapove pe estudio ojeikuaa mboyve hag̃ua ojeguerekópa cáncer de mama

 Oñemoĩ jave 32 mamógrafo pyahu, ojejapo kuri 8.772 estudio umi tasyópe jasy octubre-pe. Kóva odobla pe cifra ojejapóva ary 2022-pe, ha ohasa 3.000 umi estudio ojejapóva octubre 2023-pe.

Umi tetãvore ha tasyo ojapóva kuri hetavéva octubre-pe ha’e Itauguá tasyo, ojapóva kuri 1.162 mamografía, Instituto Nacional del Cáncer (Incan), ojapo kuri 1.190, Centro Ciudad Mujer katu ojapo 580, hakatu Barrio Obrero tasyo ojapo kuri 406.

Ko jupi tuicha ohechauka pe ñeha’ã ojapóva Tetã Rekuái omohenda porãve tenda hi’aguĩva ha omokyre’ỹ cáncer de mama jejoko tetã pukukue, he’i Ministerio de Salud.

Nda’areiete Tetã Rekuái omoinge 32 tembiporu mamografía-rã ipyahúva. Ojeguerekóma kuri 24 mamógrafo, ha ko’ág̃a ojeguereko 56.

Ko’ã mamógrafo pyahu oime umi tasyo Concepción, San Pedro, Cordillera, Caaguazú, Caazapá, Misiones, Paraguarí, Alto Paraná, Central, Ñeembucú, Amambay, Canindeyú, Presidente Hayes, Boquerón ha Paraguaýpe.

Avei, oñemba’apo ojejoko hag̃ua Virus de Papiloma Humano (VPH) vakúna rupi. Ko ary guive oñepyrũta oñemoĩ kuñataĩme ha avei kuimba’ére.

Tuicha mba’e ñanemandu’a kuñanguéra omba’apóva oreko mokõi ára permiso ojepagáva ojejapoka hag̃ua mamografía ha papanicolaou, he’iháicha Léi 6211/18.