Peña ha Lula oñembyatyta Brasilia-pe oñe’ ẽ ñemopeteĩ haguã Itaipú rehegua

Mburuvicha Paraguáigua Santiago Peña ha mburuvicha Brasil-gua Luiz Inácio Lula da Silva oñembyaty hikuái Nueva York, Estados Unidos-pe, ojejapóro guive Asamblea General Naciones Unidas-gua. Mokõi mburuvicha he’i oñe’ ẽ ñemopeteĩta Anexo C Itaipú rehegua peteĩ ñuvaitĩme ojejapóta Brasilia-pe.

Aty guive, mburuvichakuéra oñe’ẽ agenda bilateral rehegua, ha omotenonde pe jokuaa poravopyre Brasil ha Paraguay oreko. Ohechakuaa avei oñemotenonde umi mba’apo ojejapóva oñembopu’akarã pe hasaha ombojoajuva Presidente Franco ha Foz de Yguasu oñondive.

Oñe’ẽ avei hikuái peteĩ aty rehegua ojejapótava Brasilia-pe, oñemonguetáta Anexo C Itaipú rehegua, Corredor Bioceánico, hasaha Río Paraná-pe ha ombohovake crimen organizado-pe.

Mburuvicha Santiago Peña oñemongueta avei Mauricio Ramos ndive, Millicom Tigo omba’apóva, ha oñe’ẽ hikuái inversión telecomunicaciones rehegua, ikatuhaguãicha hetave oĩ mba’apo ñane retãme.

Mburuvicha Peña omomarandu avei peteĩ ñomongueta-pe hérava “Spotlight on Latin America” The Finantial Timesombohysýva Millicom ndive. Peña he’i akue ikatu ojejapo hetave inversión Paraguái ryepýpe.